Thursday, May 29, 2008

من اين نشتري العطور ؟




السلام عليكم ورحمة الله وبركاته
قال رسول الله صلى الله عليه وسلم ( حبب إلي من دنياكم : النساء و الطيب، و جعلت قرة عيني في الصلاة)
سأحاول ان اتحدث عن تجربتي مع شراء العطور ، وهي تجربة شخصية قد ينقصها الكثير من (النباهه) فمن شارع الوزير الى اسواق منفوحة ، ومن الخطوط السعودية الى البطحا ، وبين باريس قالاري و البديعة مول ضاعت الفلوس ولم تثبت الرائحة بل انني اغلب الاوقات اشتري العطر وانا مقتنع انه ( مضروب) لكن نقول لعل وعسى . تنقلت بين اسواق الجملة واسواق الفرادي والمحلات الفخمة في العليا الى الزقاق في حارات البطحا ، نبحث عن عطور والى الان لم اجد مكان مضمون ، تدفع له وتخسر بس تطلع بنتيجة مرضية.
الاغلب طلع مغشوش ومقلد وانتاج دبي ، حتى قزاز ودرعة وبقشان صارو يجيبو مقلد ، لأن نسبة الربح اكثر من ٥٠٠٪ وايضا الناس ما تفرق والاهم من ذلك ان الرقابة ما يعنيها الامر . وبعد تجاربي المريرة لقيت افضل مكان للشراء هم الخطوط السعودية ، ولكنهم مبالغين في السعر ، وخيارات محدودة وايضا انا اكره شي اسمه الخطوط السعودية واحاول قدر الامكان ما اسافر معاهم لا محلي ولا دولي ، فهل كلما حبيت اشتري عطر ، اروح احجز الرياض جده عشان قارورتين عطر ؟

بعد ان طفح الكيل ، قلت ما بدهاش ، بجرب الانترنت ، ولقيت الاف المواقع ، وكنت قبلها رحت لشركة ارامكس وفدكس ودي اتش ال ، رحت لمكاتبهم بحيث اني اكلم احد من الربع في الخارج يشتري العطور ويشحنهم ، بس شركات الشحن قالت ما نشحن العطور واي شي قابل للاشتعال وهناك طريقه خاصه للشحن تتم من خلال الموزعين في الخارج، المهم ، لم ايأس ، رجعت للنت والمواقع ، وراسلتهم وقلت لهم هاه ؟ ترسلون لسؤديا ارابيا ؟ اغلب الخواجات ردو اننا ما نرسل ، المهم صفيت على موقعين عالميين ، رحت قريت عنهم تقييم من مواقع محايدة ، وقلت بسم الله بجرب واطلب . الان سويت امر الشراء وطلبت مجموعة كبيرة شوي ، الله يستر وان شاء الله توصل خلال ٧ ايام عمل ، واذا وصلت وتأكدنا انها اصلية ، وكل شي تمام ، راح اكتب تفاصيل العملية بتكاليفها . لنا عودة وتحديث
To Be Continued....

6 comments:

Anonymous said...

والله يا أنور .. بصراحة أشوفك محلل النت صح
وصلت لدرجة شراء العطور من النت ... بصراحة أهنيك على التجربة وبإنتظار النتائج

حسن الحازمي said...

الله يبارك فيك


البحث عن الحلول من تجارب الاخرين



لو استمريت على هذه الطريقة



ستحقق الكثير من التجديد في الوسائل


خصوصا ان مجتمعنا في الغالب


نسخ كربونيه من بعض


تحياتي لكل باحث عن الافضل

Unknown said...

يعطيك العافية يا أنور
والله يكون في عوننا على تجاربك وأبحاثك طبعاً ما أقول هذا من فراغ أنا أقول كذا لأني دائماً أكون أحد فئران التجارب معك :)

عموماً أنتظر هذي العطور بفارغ الصبر لأني سافرت على معشوقتي في السفر الداخلي السعودية (أما الخارجي لا) قبل كم يوم وما شريت عطر لأني أنتظر مجموعة العطور القادمة من الخارج وأتمنى أن تصلنا بالسلامة

ملاحظة: السعودية كمان صار عندهم طلب لمبيعاتهم من الانترنت

AnwaR said...

golden touches

اجل تهنيني على التجربة يابو دانة ، طيب واذا طلع لنا ( خازوق) في الموضوع وضاعت فلوسي ، بتهنيني والا تعوضني؟؟

عموما ، مبدئيا الامور طيبه
ــــــــــــــــــــــــــــــ

hassan

اهلا ابو المعتصم

ياخي من القهر نحاول نلاقي البديل عن كل شي هنا ، الا تعال ، ينفع ترسل لي عطور من استراليا؟؟
وكيف اسعارها عندكم؟؟

ـــــــــــــــــــــــــــــــــــ

alameen

اهلا ابوعبدالملك
مالنا غنى عنك ، وبعدين انا ارسلتهم على عنوان عملك ، يعني لازم نحسن الاخلاق معاك
ادعي بس توصل ما تتصادر يحسبونها ربعنا شي ثاني :) هع هع

Anonymous said...

يعطيك العافية على التدوينه المرحة
ويعجبني فيك انك تكافح بدون ملل حتى توصل ... لو انا مكانك يمكن من ثاني موقع ابطل الفكره لما اشوف ان السالفه لخبطه

عموما عساك مانسيتني بس؟؟؟
ولا تطول علينا
اليوم زوجتي تقول وين العطور؟؟؟؟


عطيتها وعد رجال

AnwaR said...

اهلا ابو دوسر

يارجال الكفاح هذا اللي تقوله والله من الفضاوه هههههههههه
بالنسبه للعطور اللي كلمتني عنها وكلموني غيرك ، اجلتها وما حبيت احطها بالتجربة لين اعرف النتائج ، اذا ضبطت الامور ، ابشر بعزك ، يعني التجربة الاولى جميع العطور فيها لي انا واخوي الامين ، لأنه تعهد على نفسه انه اذا ماوصلت او طلعت مضروبه ، تكون الخسارة بيننا بالنص

وشكرا لكل من عقب