Friday, May 23, 2008

مشروع تعتيق ، افكار والوان



هذه الايام قاعد اعمل شوية تشتطيبات في البيت ، او بالاصح ، قاعدين نعمل ، انا واخي ابوعبدالملك
المهم ، الامور ماشية تمام التمام ، والان وصلنا لمرحلة ( التعتيق) او الدهان ، وهي مرحلة مهمة وتحتاج شوية روقان وصبر وتروي
وكخطوة اولى تم التوصل الى الشخص المناسب ، وهو الدهان اليمني ( ابو سمير ) واهم شي في الرجال ان يده ( تطاوعه) يعني عنده مهارة ، وايضا ان باله طويل ، يعني بعد ما جا ، قلنا له كل الافكر والالوان واللي تعرفها خلها على جنب ، احنا بنعطيك التصاميم والالوان والافكار ، وانت ماعليك الا تنفذ ، الرجال هز راسه ولسان حاله يقول (الله يخارجنا) المشكلة اننا الان محتاسين ، وقاعدين نحاول نبتكر اشكال وافكار حلوة تناسب غرف النوم وغرف الاطفال والمجالس

اللي يعرف مواقع حلوة فيها صور او عنده فكرة لا يبخل علينا

سنوافيكم بالصور بعد اتمام المشروع :) انتظرونا

تحديث ١ : تم نشر موضوع عن اختيار الالوان من هنا

8 comments:

T A H A said...

الله يعينكم عليه ويعينه عليكم

شكله بيلحق خوينا ( حميد) ما طلع من البيت إلا بعد ما طلعت روحه

بالنسبة لي ما عندي شي أقدر أساعدكم فيه

بس أقول الله يعينكم


سلام

Golden Touches said...

عالبركة ... عقبال ... وإلا ماني قايل
وضح السبب ليه التغييرات الجذرية في البيت خلال الفترة الحالية؟

Hassan said...

يسر الله اموركم



يعني خلاص خذيتوا الجمل بما حمل



الله يهنيكم وبس





تحياتي

Alameen said...

أبشركم اتفقنا البارحة على غرفتين تقريباً والبقية تأتي ان شاء الله

وعلى فكرة أنور محظوظ لأنه قاعد يجرب في شقتي وبعد ما تنتهي راح ينقي منها الي يعجبه :(

يالله يا أنور شد حيلك ترى بقية الاختيارات بما فيها بيت الدرج عليك

تحياتي

ابو دوسر said...

مبروك المشاريع الحالية
والله يسهل امورك

بالنسبة للتصاميم والافكار ممكن تروح تاخذ فرره على المحلات الهاي هاي في شمال الرياض بغرض سرقه الافكار فقط لاغير

وحل اخر .. خذ سيارتي ورح للفلل والقصور المعروضه للبيع في الاحياء الراقيه وتلقى الفله او القصر منورة بالكامل للجذب وفيه حارس ياخذ لك جوله بداخلها وممكن تطلع بعد ما تكاسره على السعر يعني اذا قال لك 12 مليون قل مافيه الا 10 مليون تبي او بكيفك واصلا مكان الجاكوزي والمسابح ما اعجبني


وذلك بغرض سرقه الافكار ايضا .. بس لاتسرق سيارتي رجعها

AnwaR said...

اهلا وسهلا وشكرا لكل من عقب وتفاعل

T A H A
اهلا حبيبنا طه ، لسى فاكر خوينا حميد ؟
على فكره ، تراه عين خير بعدما طلع من عندنا ، صح غلبناه ، بس فتحنا مخه وخليناه يعرف يسمع رأي الزبون

ومعقوله انت ماعندك شي؟ ياخي انت مصمم محترف عالفوتوشوب ، يعني يجي منك
عموما شكرا لمرورك

Golden Touches

هلا ابو دانة ، لا تغيرات جذريه ولا شي ، شوية فلوس زايده وحبينا ( نبعزق) على قولة المصريين

Hassan

هلا ابوالمعتصم ، اي جمل واي حمل ؟
محد باقي يحمل على جمال ، قول خذينا الكامري بما حملت :)
وبعدين انت ماتعرف المثل اللي يقول ( من زال عوده زال) انتم السابقون ونحن اللاحقون

AnwaR said...

Alameen
اهلا شريكي ، ماعليك ، قسم بالله نقلبها قوس قزح ، انتم يالسعوديين تحبو اللي يسوي عليكم فاهم ، وما يشاور
ابشر

AnwaR said...

ابو دوسر

حي الله الدوسري ، هههههههههه حلوه اقتراحاتك ، وعجبني موضوع المسبح والجاكوزي

والله ياخوك مافيني حيل اروح ( احلق دقني) تقول روح فرفر في المحلات .

والا الفلل اللي تقولها ، ياخي افكارك متعبه ، وبعدين مافهمتك ليش صيارتك يعني ( لاحظ صيارتك مو سيارتك) تنطق ولا تكتب
يعني اي سياره تقصد ؟ اذا تقصد الددسن الغماره ، ابشرك ، عندنا ( شاص ابو دبل) واذا تقصد اللكزس ، ابشرك اخوي عنده لكزس مظلله و مخلص اقساطها ، مو زيك ( لسى تقسط) :) عموما انا ماعندي مانع والله ، بس نروح انا وانت سوا ، يمكن اشتري صدق

شكرا على مرورك واقتراحاتك ، انت الوحيد اللي جرب يعطي افكار

بس لا تعيدها